Serokomarê Îranê Mehmûd Ehmedînejad serdana bajarê Sine yê rojhilatê Kurdistanê kir. Hat gotin Ehmedînejad ji bo vekirina hinek projeyan serdana bajêr kiriye.

Li gorî nûçeya ajansa Fars a îranî, serokomarê Îranê Mehmûd Ehmedînejad piçekî beriya niha serdana bajarê Sine yê rojhilatê Kurdistanê kir.

Li gorî nûçeyê Ehmedînejad li balafirgeha Sine ji aliyê parêzgarê eylaeta Kurdistanê Elîriza Şehbazî û rayedarên din ve hat pêşwazîkirin.

Di nûçeyê de hat gotin Ehmedînejad di serdana xwe de bo eyaleta Kurdistanê dê projeyên bendava Gran li Merîwanê, bendava Zêwê li Kamyaran û santrala hilmê ya Sine veke, her wiha 10 hezar xanî û avahî dê bi ser xelkê deverê de dabeş bike.

Di serdana Ehmedînejad bo Sine de ku yek roj e, wezîrên rêk û bajarwanî, enerjî û cîgirê yekem ê serokomarê pê re ne.

Rudaw