Komîteya hevbeş a polîtboruyên Partîya Demokrata Kurdistanê û Yekîtîya Niştîmanîya Kurdistanê îro li bajarê Silêmanyê kom bû.


Li gor zanyarîyên PNA, kombûna îro demjimêr 11:30 pêş nîvro li baregeha polîtboruya YNK li bajarê Silêmanîyê hate sazkirin.

Biryar wiha ye, ku piştî kombûnê her yek ji Mela Bextiyar ji alîyê YNK û Fazil Mîranî ji alîyê PDK ve konfranseke rojnamevanî saz bikin û herwiha her du alî piştî kombûnê beyannameyekê jî belav bikin.

Ji alîyê PDK ve endamên polîtboruyê Fazil Mîranî, Mehmûd Muhemed, Kemal Kerkûkî û Izedîn Berwarî û berpirsê dezgeha hilbijartina PDK Xesrew Goran û Aza Hesîb Qeredaxî wek hevrêyê şandê di kombûnê de beşdar dibin.

Herwiha ji alîyê YNK ve Mela Bextiyar, Erselan Bayiz, Omer Fetah, Hakim Qadir û Refed Ebdullah endamên polîtboruyên YNK û berpirsê dezgeha hilbijartina YNK Şoreş Îsmaîl di kombûna îro de amade bûne.