Serokê Partiya Aştî û Demokrasiyê (BDP) yê Dêrsimê Şerafedîn Xalis ji partiya xwe îstifa kir. Xalis got, ku ji ber ku di navbera wî û navenda BDP’ê de hin pirsgirêk hene, wî dev ji karê xwe berdaye.


Şerafedîn Xalis ku heyamek berê parlamenterê Dêrsimê bû û di vê heyamê de jî serokatiya bajêr a BDP’ê dikir îstîfaya xwe da û daxwaznameya xwe ya îstifayê ji navenda giştî ya BDP’ê re şand. Xalis derbarê îstifaya xwe de wiha got: “Ji ber ku min wisa pêywîst dît, min îstifa kir. Ji ber vê yekê ji gelê Dêrsimê û ji kesên ku di vê partiyê de ked dane lêborîna xwe dixwazim. Ez dixwazim daxwaznameya min ji aliyê navendê ve bihê qebûlkirin.”