Nêçîrvan Barzanî Û Raberê Tevgera Îslamiya Kurdistanê Civiyan
Di hevdîtineke de rewşa niha ya Kurdistan û rewş û pêşhatin dawî yên li Îraqê hatin nirxandin û her du alî tekez li ser bihêztir û berfiretir kirina peyvendiyên heyî yên di navbera part û aliyên siyasî yên Kurdistanê de kirin.
Her di derbarê rewşa Kurdistanê de Serokwezîrê Hikûmeta Kurdistanê û Raberê tevgera îslamiya Kurdistanê eşkere kirin ku, dibe di warê pirs û kêşeyên netewî de hêz û aliyên siyasî yên Kurdistanê xwedan yek helwest û yek deng bin.
Di derbarê rewşa niha ya Îraqê de jî her du alî diyar kirin ku, rewşa niha ya Îraqê û aloziyên heyî welat ber bi aloziyên mezin ve dibe lewre berejwendiyên tevahiya aliyan vê yekê ferz dikin ku, kêşe û aloziyên heyî di demeke nêz de bi rêya diyalog û di çarçoweya destûra bingehîn ya Îraqê de werin çareserkirin.
