Sekreterê rojnamevanî yê serokwezîrê Kurdistanê Samî Ergoşî, got ku serokwezîrê Kurdistanê Nêçîrvan Barzanî Duh seet 19.00 li gora dema Tirkiyê, ligel serokwezîrê Tirkiyê Receb Teyib Erdogan li Enqerê civiya.

Di daxuyaniyeke taybet de ji bo malpera hikûmeta Kurdistanê Ergoşî got, di hevdîtinê de rewşa herêmê, pêvajoya çareserkirina pirsa Kurd li Tirkiyê hate gotûbêjkirin.

Ergoşî diyar kir ku Nêçîrvan Barzanî ev demeke li ser vê meseleyê kar dike.

Sekreterê rojnamevanî yê serokwezîrê Kurdistanê got, Barzanî her demê ligel diyalogê û çareserkirina pirsa Kurd bi riyên aştiyane û diyalogê bû ye.

Ergoşî got ji ber vê yekê jî Nêçîrvan Barzanî bi her du aliyan re di pêweindiyê de ye.


Navborî diyar kir ku yek ji armancên serdana Enqerê ev pirs bû ye.


Her wiha di vê serdanê de berferehkirna pêwendiyên siyasî, dîplomasî, aborî û bazirganî têne rojevê.

Avestakurd