Sekreterê Giştî yê Neteweyên Yekbûyî Ban Kî Moon ferman daye lêkolînek destpê bike, derbarê îdîayên hikûmeta Sûriyê ku serhildayan çekên kîmyawî li bajarê Heleb`ê bikar anîne.

Ban Kî Moon roja (Pêncşem.21.03.2013) jibo rojnamevanan axivî û bang li her du alîyên nakokîyê li Sûrîyê kir ku hevkarîyê ligel vekolerên NY bikin.

Sekreterê Giştî yê NY got, dê tîma lêkolîn ji alîyê nûnerên rêxistina Qedexekirina Çekên Kîmyawî û Rêxistina Saxlemîya Cîhanê were birêve birin.

opozisyona Sûriye û hikûmeta Sûrîyê hev du bi berpirsîya hêrîşê tawanbar dikin, ku di encama wê hêrîşê de ku roja Sêşema borî pêk hat, bi kêmî 20 kes hatin kuştin û bi dehan birîndar bûn.