Ragihandina herêma Sune li Iraqê nêzîk dibe û parlemanterekî fraksiyona Dewleta Qanûnê ya Nûrî Malikî serok wezîrê Iraqê jî radighîne, ku Usame Nucêfî serokê parlemana Iraqê û serkirdeyê xuyayê Suneyên Iraqê dixwaze bibe serokê herêma Sunîyên Iraqê.


Li gor raporteke hejmara 131 a îro sêşembe ya Heftenameya Bas a çapa Hewlêrê û li ser zarê jêderekî li Bexdadê belav kiriye ku:´´Niha armanca serekîya xwepêşanderan û raperînên Enbar û parêzgehên dinên Sunî berdewambûne heta raihandina herêma Sunîyan li rojavayê Iraqê û cudabûnê li Iraqê.´´

Heftenameya Bas herwiha di raporta xwe de ragihandiye, ku li gor raporteke saloxegerî (istixbaratî) ya hikûmeta Nûrî Malikî, amaje bi civîneka giring û metirsîdar a Sunîyên Iraqê li bajarê Dewhe ya paytexta Qeterê kiriye ku bi amadebûna çendîn serkirde û kesayetîyên siyasîyên Sunîyên Iraqê hatiye encamdan.

Li gor heman jêderê parlemantera lîsta Iraqiyeya azad, Aliya Nuseyf di evê bareyê de ragihandiye ku: ´´Çend aliyekî nav lîsta Iraqiyê mijûlî amadekariya bo ragihandina herêma Sunî li rojavayê Iraqê ne ku her yek li parêzgehên Enbar, Diyale, Mûsil û Selahedîn li xwe digre.´´

Pêştir jî parlemanterê fraksiyona Dewleta Qanûnê Elî Şela serokê parlemana Iraqê Usame Nucêfî bi ewê yekê tawanbar kiribû û ragihandibû, ku Nucêfî li pişt nêrîna ragihandina herêma rojavayê Iraqê ye heta ku bibe serokê ewê herêmê.