Duh heyeteke Konsulusxaneya Amerîkayê bi Serokatiya Konsulusê Amerîkayê yê li Hewlêrê serdana civata bilind ya jinên Kurdistanê kir û ji aliyê endamên Serokatiya civata han ve hate pêşwazîkirin.

Di hevdîtineke de Sekretera giştî ya civata bilind a jinên Kurdistanê bi awayekî berfire behsa kar û çalakiyên civata han kir û ragihand ku, civata bilind ya jinên Kurdistanê hewl ji bo bihêz kirina pêgeha jinan di nava navendên biryardayînê de dike û armanca vê ya sereke nehêştina her cure tundûtîjî li dijî jina ye.

Li hember de jî heyeta Amerîkayî kar û çalakiyên civata han bi girîng wesif kir û ragihand ku, pêwîste civata bilind ya jinên Kurdistanê steratejiyeke nîştimanî bo nehêştina her cure tundûtîjî li dijî jinan amade bike.