Bi rêya torên civakî yên Facebook û Twîttere nûçeya kuştina xwendekarekî bajarê Silêmaniyê li Sûriyê hat belav kirin. Xizmên wî jî dibêjin: “Em hê nizanin ev raste yan na.”

Bavê Hawkar, Mihemed derbarê nûçeya kuştina kurê xwe de ji Rûdawê re wiha got: “Me jî bihistiye ku qaşo Hawkar li bajarê Heleb ê Sûriyê hatiye kuştin, lê di destê me de zanyariyên dirûst nîne.”

Hawkar Mihemed runiştvanê taxa Xebat a Silêmaniyê ye, berê li zanîngeha Silêmaniyê beşa Kimya dixwend. Piştre dest jê berda û ji bo xwendina pijîjkî çû bajarê Bengelor ê Hindistanê.

Behsa wê yekê tê kirin ku Hawkar ji bo beşdarî şoreşa gelan a li Suriyê bike, çûye Sûriyê. Herwiha tê îdia kirin ku 12.02.2013’an ji aliyê hêzên rejima Sûriyê ve li Helebê hatiye kuştin.

Rudaw