Serokê Herêma Kurdistanê li gel şandekî Encumena Bilinda Kurdê Suriye civiya
Li civînê de, şanda Encumena Bilinda Kurdên Suriye gelek bi hurî behsa pêvajoya siyasî, leşkerî, emnî û aboriya Suriye bi giştî û rewşa Kurdên wî welatî bi taybetî kirin. Li ber ronahiya wan rûdawên ku li vî welatî de rû didin û her wiha pêwendiyên li gel rikeberên Suriye hate nirxandin.
Serok Barzanî bi navê gihîştina maf û daxwazên wan yê rewa piştevaniya xwe ji bo gelê Kurd li Suriye dûpatkir û ji bo vê mebestê jî tekez li wê yekê kir ku pêwîste hêz û aliyên nav Encumena Bilinda Kurd parêzgeriyê li yekîtî û yekrêziya xwe bikin û rê li her helwestekî ku bibê sedema têkçûna wê yekrêziyê bigrin. Ji ber ku her bi wê yekrêziya xwe dikarin maf û daxwaziyên xwe bi dest bixin.
Her wiha rewşa penaberên Suriye li Herêma Kurdistanê mijareke dinê vê civînê bû ku hate nirxandin û li vî warî de şanda Encumena Bilinda Kurdên Suriye ji bo wê girîngîdana berdewamiya ku bi penaberan dide li pêşkêşkirina yarmetî û alîkariyên pêwîst spasiya Serok Barzanî û xelkê Herêma Kurdistanê kirin û Serok Barzanî jî vê girîngî û alîkariyê bi erkekî mirovî û neteweyî da zanîn.
