Ji ber lehiya duh êvarê li Şirnexê rabû, qada fûtbolê ya şîn hilweşiya û di encamê de 7 kesan jiyana xwe ji dest dan. Heta niha du kes winda ne.


Li taxa Guzelbahçe ya Şirnexê qada fûtbolê ya şîn, ji ber lehiyê hilweşiya û gelek kes di bin kavilê de man. Li gorî agahiyên hatine bidestxistin, lehiya li derdora qada fûtbolê, dîwar hilweşand. Di encama bûyerê de 7 kesan jiyana xwe ji dest da. Di encama xebatên rizgarkirinê yên heta serê sibê berdewam kir de, 3 zarok hatin rizgarkirin, lê heta niha kesek wenda ye. Hat diyarkirin ku du kes jî bi giranî birîndar bûne. Pişti bûyerê gelek ambûlans û yekîneyên tenduristiyê çûn herêmê.


Li aliyê din li gundikên Şîvrezan û Girenûsê yên gundê Elîvûn ê navçeya Qilabana Şirnexê ji ber barana dijwar, xaniyên bi kerpîçên axê hatine çêkirin bi hilweşînê re rû bi rû ne. Şêniyên gund neçar man ku ji malên xwe derkevin.

Rudaw