Nûnerê taybet ê sekreterê giştî yê Neteweyên Yekbûyî (NY) yê li Iraqê gihişt Kerkûkê. Navbirî li ser pirsa hilbijartina li Kerkûk û pirsgirêkên navbera Hewlêr û Bexdayê ligel berpirsên Kerkûkê dicive.

Îro danê sibehê nûnerê taybet ê sekreterê giştî yê NY’î yê li Iraqê Martin Kopler gihişt Kerkûkê û ligel parêzgarê Kerkûkê Dr. Necmedîn Kerîm civiya.

Çavkaniyek ji civata parêzgeha Kerkûkê ji Rûdawê re wiha got: “Îro Kopler wê guftûgoyan ligel hemû çînên siyasî yên nava civata parêzgeha Kerkûkê encam bide. Dibe ku pirsgirêka navbera Bexda û Hewlêrê jî beşek din a civînên ligel rêveberiya Kerkûkê be.”

Di bernameya Martin Kopler de heye ku ligel nûnerên kurd, tirkmen û ereb ên civata parêzgeha Kerkûkê bi awayekî cûda bicive. Di hevdîtinan de pirsa encamdana hilbijartinên civata parêzgehê ligel wan pêkhateyan guftûgo bike.

Rudaw