Duh roja duşemê 31/12/2012`an, 133 kes li Sûriyê hatin kuştin ku, roja dawî ya sala herî bi xwîn ku hejmara kuştiyan gihîşte 40 hezarî kesî li gor çalakvanan.

Tora Sûrî ya mafê mirovan ragihand ku 133 kes li tevahiya bajarên Sûriyê hatin kuştin û piraniya wan jî li Rîf Dîmeşq û Helebê bûn.

Her weha hatiye ragihandin ku çend rojên dawiyê li bajarê Helebê şerê herî dijwar a di navbera hêzên rêjîma Sûriyê û çekdarên opozisyonê de li ser balafirxaneya leşkerî Mixê ye û her weha amadekariya êrişa li ser balafirxaneya Helebê a navdewletî jî têne kirin û rêjîma Sûriyê balafirxaneya Helebê daxistiye.

Ji aliyekî din ve Rawengeha Sûrî ya mafê mirov jî ragihand ku di sala 2012`an de nêzî 40 hezar kes ku di xwepêşandanên ji destpêka adara 2011`an li Sûriyê destpêkirî heya niha hatine kuştin.

Her weha birêvebirê rawengeha Sûrî Ramî Ebdulrehman da zanîn ku di sala 2012`an de 39362 kes li Sûriyê hatine kuştin ku piraniya wan jî sivîlin. Wek tê zanîn ku hejmara qurbaniyên ku ji destpêka hevrikiyan a di 15`ê adara 2011`an destpêkirî 45 hezar derbas kiriye.

Xendan