Serokwezîrê Herêma Kurdistanê Mesrûr Barzanî û Birêvebirê Kar û Barên Balyozxaneya Amerîkayê yê Îraqê Steve Fagin civiyan.

Di civînê de her du aliyan êrişên li ser Herêma Kurdistanê şermezar kirin.

Her wiha wan behsa girîngiya zêdekirina hilberîna petrolê û aktîvkirina Parlamentoya Kurdistanê kir.

Serokwezîrê Herêma Kurdistanê Mesrûr Barzanî îro li Hewlêrê Birêvebirê Kar û Barên Balyozxaneya Amerîkayê yê Îraqê Steve Fagin qebûl kir.

Pêwendiyên dualî û rewşa herêmê

Li gorî daxuyaniya Hikûmeta Herêma Kurdistanê, di civînê de nêrînên li ser bihêzkirina pêwendiyên dostane hatin gotûbêjkirin.

Wan hevkariya di navbera Herêma Kurdistanê û Amerîkayê de nirxand.

Her wiha rewşa giştî ya Îraqê û herêmê jî hat gotûbêjkirin.

Şermezarkirina êrişan

Her du aliyan êrişên li ser Herêma Kurdistanê bi tundî şermezar kirin.

Di heman demê de wan behsa girîngiya parastina aramî û ewlehiya Herêma Kurdistanê kir.

Hilberîna petrolê û mafên destûrî

Li gorî daxuyaniyê her du alî li ser girîngiya zêdekirina hilberîna petrola Herêma Kurdistanê hevnêrîn bûn.

Wan xwest ku hevahengiya di navbera Herêma Kurdistanê û Hikûmeta Federal de bi pêş bikeve.

Armanca vê yekê jî baştirkirina rewşa darayî û zêdekirina dahata giştî ya Îraqê ye.

Her wiha parastina mafên destûrî û darayî yên Herêma Kurdistanê jî wekî xaleke girîng hat destnîşankirin.

Aktîvkirina Parlamentoyê

Di dawiya civînê de, behsa pêwîstiya aktîvkirina ducare ya Parlamentoya Kurdistanê hat kirin.

Her wiha her du aliyan destnîşan kir ku divê kabîneya nû ya Herêma Kurdistanê bi lez were pêkanîn.

 

Rudaw