Serokomarê Tirkiyê Erdogan jî têkildarî pêvajoya Aştî û Civaka Demokratîk axivî.\
Erdogan got, “gel ev pêvajo meyandiye û mayayê jî girtiye.”
Erdogan di balafirê de dema ku ji Kirgizîstanê vedigeriya ji rojnamevanan re axivî.

Îdîa kir ku têkildarî pêvajoyê wekî dewlet xwedî plan û nexşerêyekê ne û got:

“Ne pêkane bûyerên wisa bi teqwîmeke diyarkirî bimeşe.

Jê wêdetir em wekî armancekê li meseleyê dinêrin.”

Erdogan da zanîn ku Lijneya Şopandin û Nirxandinê ya pêvajoyê di çarçoveya erkên diyarkirî de dest bi plansaziyê kiriye û got:

“Ji bo ku qanûn bikeve meriyetê divê rêxistin bi pratîkî çekan deyne û tasfiye bibe.”

Serokomarê Tirk bi bîr xist ku pêvajoyên wisa ji provakasyonê re vekirî ne û xwest ku “pêvajo pir dirêj neke.”

Erdogan destnîşan kir ku “xurtkirina bereya navxweyî, tinekirina cudatiyan nîn e” û ev tişt anî ziman:

“Em ê tevî cudatiyên xwe di Tirkiyeyê de werin ba hev.

Em ji vê re ‘Peymana Tirkiyeya Mezin’ dibêjin.”

Serokomarê Tirk Tayyip Erdogan piştgirî û keyfxweşiya xwe ji bo biryara fesixkirina QSD’ê anî ziman û got,

Ew pratîzekirina biryarê ji nêz ve dişopînin.

Her wiha got:

“Ev, wê ji bo herêmê giştî deriyê pêvajoyeke nû veke.”

 

Ronahi.tv