Wezîrê Berevaniya Îsraîlê Yisrael Katz mirina Wezîrê Îstîxbarata Îranê (Îtlaat) Îsmaîl Xetîb ragihand. Îsraîlê diyar kir ku Xetîb di êrîşeke asmanî de hatiye hedefgirtin.

Katz got ku Xetîb di êrîşeke şevê de hatiye "bêbandorkirin". Heta niha ji Îranê piştrastkirineke fermî ya mirina wî nehatiye dayîn.

Katz her wiha diyar kir ku wî û Serokwezîrê Îsraîlê Benjamin Netanyahu destûr dane artêşê ku "berpirsiyarên din ên payebilind ên Îranî bêyî ku hewcedariya wan bi pejirandina din hebe bikujin."

Îstîxbarata Îsraîlê Larîcanî di bunkerekê nêzîkî paytextê de bi berpirsên din re cîhê wan destnîşan kir û êrîşeke mûşekî pêkanî. Di heman şevê de, serokê Besîc Xulam Reza Silêmanî jî li gorî îstîxbarata wergirtî hatiye hedefgirtin û kuştin.

 

Basnews