Wezareta Çandinî û Çavkaniyên Avê ya Herêma Kurdistanê ragihand, şewitandina zeviyên cotkaran li deverên Kurdistanî, pilankirî ye û bi kîndarî tê kirin.

Wezareta çandinî û çavkaniyên avê ya Kurdistanê li ser şewitandina dexl û zeviyên cotkaran li deverên Kurdistanî yên li derveyî Herêma Kurdistanê daxuyaniyek belav kir û ragihand, ew karê han pilankirî ye û bi kîn tê kirin.

Di daxuyaniyê de hatiye gotin, wan beriya niha daxwaz ji Wezareta Pêşmerge kiribûn li wan cihên ku dikarin zevî û dexlên cotkaran biparêzin, her wiha daxwaz ji wezareta çandinî ya Iraqê jî kirine zeviyên cotkaran li wan deveran biparêzin.

Wezareta çandiniya Kurdistanê bang li wezareta çandiniya Iraqê, rêveberiya parêzgeha Kerkûkê û deverên Kurdistanî kiriye xwe li hember can û malên cotkaran berpirsiyar bibînin û ziyanên wan jî qerebû bikin.



Basnews