Fermandarê payebilindê artêşa Iraqê metirsiyekî azad kirina çekdarên girtî yên rêxistina terorîstên DAIŞê ji aliyê grubekî YNKê ve aşkera kir.

Fermandarê lîwa yê berê ya artêşa Iraqê û endamê lijneya dadgeha leşkerî yê artêşa Iraqê ser bi pişka kurdan Lîwan Rukin Reşîd Ebdulkerîm ji BasNewsê re ragehand, rêkeftina YNKê û parêzgerê sepandî yê Kerkûkê aliyekî wê yê veşartî heye.

Lîwa Rukin Reşîd Ebdulkerîm amaje bi wê yekê jî kir, ku çekdarên DAIŞê bê agahdariya hikûmeta herêma Kurdistanê û Iraqê radestî îdareya sepandî ya Kerkûkê re hatine radest kirin û guman heye ku ew DAIŞiyane YNKê şandibin Kerkûkê bi fêl û lîstok bên dadgeh kirin û biryara azad kirina wan bê dayîn.

Herwaha diyar kir, nabe îdareya bajarekî rêkeftinê li gel aliyek siyasî bike û pêwîste artêşa Iraqê jî helwêst nîşan bide, ji ber azad kirina wan DAIŞiyan pirsgirêkekî niştimanî ye.

Roja 19.05.2020ê gruba xiyaneta 16ê cotmeha 2017ê û parêzgerê sepandî yê Kerkûkê Rakan Cibûrî û hin serokên eşîretên Kerkûkê yên ereb rêkeftin bo azad kirina 176 çekdarên girtî yên DAIŞê, ku xelkê Kerkûkê bûn îmza kirin.

Roja 21.05.2020ê çekdarên DAIŞê bi 4 otobûsan û bi parastina hêzên YNKê ve ji Kerkûkê re hatin vegerandin.

Basnews