Di 2 êrîşên çekdarên DAIŞê li ser hêzên Iraqî de, polîsekî Iraqî û 4 çekdarên Heşda Şeibî hatin kuştin û hejmareke din jî birîndar bûn.

Şaneya Ragihandina Ewlekariya Iraqê ragihand, di êrîşeke çekdarên DAIŞê li ser baregeheke polîsan li qezaya Ducêl li parêzgeha Selahedîn de, polîsek hat kuştin û yekî din jî birîndar bû.

Da zanîn jî, di êrîşeke din li ser gundê Meyte li bakurê Diyala de jî, 4 çekdarên Heşda Şeibî hatin kuştin û 4 çekdar jî birîndar bûn.

Ji aliyekî din ve, Firokeyên Hevpeymaniya Navdewletî jî, şekeftên li başûrê Hezer li parêzgeha Neynewayê bombebaran kir, li gor zanyariyan jî 7 çekdarên DAIŞê hatin kuştin.

Demek e Çekdarên DAIŞê derfet dîtine û êrîşî hin navçeyên Iraqê dikin, bi taybet li navçeyên di navbera Kerkûk, Selahedîn û Diyale de.

K24