Endamekî komîsyona darayî ya parlementoya Kurdistanê ragihand, kirîza darayî ya ku niha derketiye, dê di demek nêzîk de were çareserkirin.

Parlementerê Kurdistanê û endamê komîsyona darayî, Mihemed Îlxanî ji BasNewsê re got, ew biryara ku hikûmeta Iraqê derheqê mûçeyê karmendên Herêma Kurdistanê de ye, demkî ye û ji biryarên berê ku hemû siyasî bûn, cuda ye.

Mihemed Îlxanî her wiha got, ew rewşa ku niha di navbera Hewlêr û Bexdayê de derketiye, girêdayî bicîhanîna qanûna bûdceya sala 2019 ya Iraqê ye. Lê ev kirîz dê di demek nêzîk de were çareserkirin û rewş jî dê normal bibe.

Wî parlementerê Kurdistanê anî ziman ku serkirdetiya siyasî ya Herêma Kurdistanê hewla başkirina bazirganî, aboriya Kurdistanê û garantîkirina mûçeyê karmendan dide.


Basnews