Asayîşa YNKê li rawestgeha bajarê Koye rê neda Pêşmergeyekî lîwaya wezareta Pêşmerge derbas bibe û biçe sînorê parêzgeha Silêmaniyê û daxwaz jê kirine dijûn û xeberên nexwaş û gotinên xirab li hember rêveberiya PDKê bike.

Li gor zanyariyên BasNewsê duh 18.04.2020ê êvari dema Pêşmergeyê bi navê Teyîb Cemal Celal ê girêdayî fewca 4 a lîwaya 1 a wezareta Pêşmerge û erkê wî li binkeyekî eniya Pirdê ya Kerkûkê temam dibe û dixwaze bi rêya Koye ve derbas bibe û biçe bo sînorê parêzgeha Silêmaniyê, di rê de tê girtin û nahêlin ew derbas bibe.

Li gor zanyariyên BasNewsê ew kesên ku rêgirî lê kirine, ser bi asayîşa YNKê bûn û daxwaz ji wî Pêşmergeyî kirine gotin û dijûnan li hember rêveberiya PDKê bike, eger na rê nadin wî ew biçe bazineya kesk, ji ber ew endamê PDKê ye û wî Pêşmergeyî jî ew yek red kiriye û vegeriyaye bo Hewlêrê.

Basnews