Rêveberê nahyeya Zumarê diyar kir, pişte em hatin agahdar kirin ku hewldan dê çêbin bo kom kirina îmzayan ku rêveberê nahyeya Zumarê bê guhertin û kesekî ereb di cîhê me de daynin, me jî dest bi tevdîrên taybet girtinê kir û me karî wê planê jinav bibin.

Rêveberê nahya Zumarê Ehmed Cehfer ji BasNewsê re ragehand. ‘’Hejmarek erebên devera Zumarê îmza kom kirin ku peywira rêveberiya nahya Zumarê ji dest kurdan derbixin û kesekî ereb danen. Lê me jî dijî plana ereban dest bi kar kir û me karî wê planê hilweşînin, ku bi piştevaniya hin parlamenterên ereb ên berî naha gelek peywir ji dest kurdan derxistin û kesên ereb di cîha wan de bicîh kirin, lê vê carê hemû rêkarên zagonî xistin pêş bo hilweşandina wan planên dijî kurdan li Zumarê tên danîn.’’

Herwaha got: ‘’Ew erebên dijî kurdan kar dikin hemû me kom kirin û em li gel wan rûniştin. Me ji wan daxwaz kir planan dijî fermanber û rêveberiyên kurd ên li Zumarê careke din nedaynin. Ji ber ew dê ziyanê gehînte hemû deverê. Pêwîste li gor rêjeya dengdanê danûstan bê kirin.’’

Basnews