Berpirsekî Wezareta Pêşmerge ragihand, hêzên hevpeyman daxwaz ji Wezareta Pêşmerge kirine di warê îsitxbarata serbazî û ewlehiyê de alîkariya wan bikin.

Berpirsê karûbarên rewşenbîrî û hişyariya niştimanî li Wezareta Pêşmerge, Babekir Feqê Ehmed ji BasNewsê re got, piştî zêdebûna çalakî û êrişên terorîstên DAIŞê, hêzên hevpeyman dixwazin pêşiya wê yekê bigirin û li dijî wan operasyonan pêk bînin.

Babekir Feqê Ehmed her wiha got, helbet bo vê yekê jî pêwîstiya wan bi îstixbarat û agahiyan e loma daxwaz ji Wezareta Pêşmerge kirine di vî warî de alîkariya wan bikin.

Wî berpirsê Wezareta Pêşmerge da zanîn, wan jî qebûl kirine û got, ji xwe demek dirêj e ev hevkarî û hemahengî di navbera me û hêzên hevpeyman de heye û dê bidome jî.

Basnews