Serokê Hikûmeta Herêma Kurdistanê pêşwaziya Nûnerê Taybet ê Sekreterê Giştî yê Neteweyên Yekgirtî li Îraqê û Serokê UNAMIyê kir û pê re danûstandin li ser hin mijarên girîng kirin.

Serokê Hikûmeta Herêma Kurdistanê Mesrûr Barzanî îro (Sêşem, 29ê Tîrmeha 2025ê) pêşwaziya Nûnerê Taybet ê Sekreterê Giştî yê Neteweyên Yekgirtî li Îraqê û Serokê UNAMIyê Mihemed Hesan kir.

Hikûmeta Herêma Kurdistanê di daxuyaniyekê de amaje daye, "Di wê civînê de, dîtin û nerîn li ser pêşketinên dawiyê yên rewşa giştî ya Iraq û deverê li hev hatin guhertin."

Behsa wê yekê jî hatiye di wê daxuyaniyê de kirin ku, "Mijara sereke ya wê civînê tekezkirina rêzgirtin û garantîkirina mafên destûrî û darayî yên xelkê Kurdistanê û serederîkirina bi Herêma Kurdistanê re bi awayekî dadperwerane û wekî qewareyeke destûrî û federalî bû.”

Hikûmeta Herêma Kurdistanê herwesa ragihandiye, “Bidawîanîna êrîşên terorîstî yên li ser jêrxaneya enerjiyê ya Herêma Kurdistanê û bicihanîna rêkarên qanûnî li beranberî êrîşkeran jî aliyekî mijare sereke ya wê civînê bû."

Her wê çavkaniyê eşkere jî kiriye, "Di pareke din a wê civînê de, tekez li ser girîngiya berdewamiya karkirina ajansên Neteweyên Yekgirtî li Herêma Kurdistanê hat kirin.”

 

K24