Rojnameya Brîtanî Middle East Eye raporek li ser pêla êrîşên milîsên Iraqî yên bi dronan li ser parzûngehên petrolê yên Herêma Kurdistanê belav kiriye û amaje bi wê dide: “Êrîşên milîsên çekdar ên ku Îran piştgirî dike li ser parzûngehên petrolê yên Hikûmeta Herêma Kurdistanê bi dronan bandor li ser têkiliyên di navbera herêmê û Bexdayê de kiriye, taybetî di çareserkirina krîzên wan ên bi Hikûmeta Herêma Kurdistanê re li ser hinardekirina petrolê û mûçeyan û…hwk.”

Rojnameya Brîtanî ji zarê Michael Knights, lêkolînerê payebilind ê Enstîtuya Washingtonê ve dibêje: “Êrîşên mûşekî û dronan bo ser parzûngehên petrolê yên Kurdistanê û Kerkûkê, bo bi armanckirina enerjiya Kurdistanê ye ji aliyê milîsên nav Iraqê ku ji aliyê Îranê ve tên piştgîrî kirin.”

Herwaha dibêje: “Ev planeke dijminanî ye ku ji aliyê milîsên Iraqê ve ye, ku xwastin zextê bikin ser Herêma Kurdistan û Amerîkayê, di derbarê dayîna mûçe û girêbestên enerjiyê.”

Wê rojnameya Brîtanî herwaha ragehandiye, ku ev êrîş ne nû ne, lê milîsên çekdar ên ku Îran piştgirî dike, di navbera Îlona 2018an û Cotmehê de 32 êrîşên bi vî rengî li ser Herêma Kurdistanê pêk anîne.

Rojname ji zarê çavdêran ve jî amaje bi wê jî dikin: “Armanca êrîşan wêrankirina binesaziya petrolê ya Herêma Kurdistanê û derengxistina peymana enerjiyê bi Bexdayê re ye.”

Herwaha berpirsekî kurd li Hikûmeta Iraqê ku amaje bi navê xwe nekiriye, ji rojnameya Brîtanî re ragehandiye: “Heşdî Şebî û milîsên din ên girêdayî hikûmeta Iraqê ku ji Bexdayê pere distînin, ewan li piştgirtina armancên parzûngehên petrol û binesaziyên aboriya Kurdistanê ne.”

Mihemed Ece şirovekarê siyasî li Enqerê ji rojnameyê re ragehandiye: “Bexdayê her tim ji bo lawazkirina Hewlêrê û sînordarkirina serxwebûna wê hêza tund bikar aniye.”

Ew şirovekar dibêje, “Êrîşên berdewam ên li ser zeviyên petrolê yên Kurdistanê, heta di dema danûstandinên di navbera Hewlêrê û Bexdayê de jî, vê yekê bi awayekî zelal nîşan didin.”

Aşkera jî dike: "Ji ber van êrîşan, di sê rojên borî de zêdetirî ji sedî 60ê hilberîna petrolê li Herêma Kurdistanê hatiye rawestandin û xuya ye ku armanc ew e ku Hewlêrê neçar bikin ku hemû daxwazên Bexdayê qebûl bike."

 

 

Rudaw