Hejmara yên bi vîrusa koronaya nû (Covid-19) ketine li seranserê cîhanê 300 hezar kes derbas kir, nêzîkî yek li ser ‎sêyên bi vîrusê ketine baş bûne û 13 hezar û 64 kesan jî canê xwe ji dest dane.‎

Li gor amarên fermî, heta niha li cîhanê 308 hezar û 227 kes bi vîrusa koronayê ketine, 95 hezar û 826 ‎kes baş bûne û 13 hezar û 64 kesan jî canê xwe ji dest dane.‎

Niha herî zêde kesên bi wê vîrusê ketine yan hilgirê wê vîrusê ne li Îtalyayê ne ku hejmara wan digihe ‎‎53 hezar û 50 kesan, piştî Îtalyayê Amerîka di rêza duyem de ye û heta niha li wî welatî 26 hezar û 333 ‎kes bi wê vîrusê ketine û baû nebûne.‎

Çîn ew cihê ku yekem car virus lê belav bû, niha tenê 5 hezar û 353 kesên pê ketine lê hene û 72 hezar ‎û 440 kes baş bûne. Di 24 demjimêrên derbasbûyî de jî, li Amerîka û Ewropayê hejmara kesên bi wê ‎vîrusê ketine gelekî zêde bûye û bi hezaran kes pê ketine.

Rudaw