Berpirsê malbenda Kerkûkê yê Partiya Sosyalîst Demokrat a Kurdistanê amaje bi wê yekê dike ku rewşa Kerkûkê xirabe û ji ber xirabiya siyaseta parêzgerê sepandî, ku hemû sektorên giring ji dest kurdan derxist.

Berpirsê malbenda Kerkûkê yê Partiya Sosyalîst Demokrat a Kurdistanê Resûl Reûf ji BasNewsê re ragehand: ‘’Bexda hemû hewldana wê ew e xwe ji madeya 140 dûrbixe û xwe bê agah bike. Hemû biryarên ku didin li Kerkûkê di berjewendiya ereban de ne û bi bername hewl didin bo ereb kirina bajar û ew guhertinên li wî bajarî tên kirin di berjewendiya kurdan de nînin.’’

Ew berpirsê Partiya Sosyalîst dibêje: ‘’Parêzgerê sepandî yê Kerkûkê beşek piraniya kesûkar û nêzîkên xwe di peywirên giring de bicîh kirin û di desthilatê de ne. wek tolhildanekî vê dike.’’

Resûl Reûf got: ‘’Piştî 16ê cotmeha 2017ê kurd erk û peywirên giring hemû ji dest dan. Ji wan jî parêzger, qaymeqamiyet û rêveberiya tenduristî, perwerde, ewlehî û hemû sektorên giring û hestyar ên desthilatê jê hatin standin.’’

Basnews