Serokê Amerîkayê Donald Trump û Serokomarê Tirkiyê Recep Tayyip Erdogan şeva bihorî peywendiyeke telefonî encam dane û rewşa Sûriyê û bi taybet jî ya Idlibê, rewşa Lîbyayê û destwerdana Tirkiyê li wî welatî gotûbêj kirine.

Koşka Spî derbarê peywendiya telefonî ya Serokê Amerîkayê û Serokomarê Tirkiyê de daxuyaniyek ‎belav kiriye û ragihandiye, Donald Trump tekez kiriye, ku pêwîst e Rûsya dawiyê li piştevanîkirina hikûmeta ‎Sûriye bîne.‎

‎Li gor daxuyaniya Koşka Spî, Trump û ‎Erdogan di vê peywendiya telefonî de behsa êrîşên artêşa Sûriyê bo ser parêzgeha Idlibê jî ‎kirine.‎

Koşka Spî diyar kiriye, Trump nîgeraniya xwe ji tundûtûjiyên li parêzgeha Idlibê aniye ziman û ji ber hewlên Tirkiyê yên ji bo alîkariyên mirovî bo xelkê Idlibê, spasiya Erdogan kiriye.

Hevdem di vê peywendiya telefonî de Serokê Amerîkayê û Serokomarê Tirkiyê behsa rewşa Lîbyayê jî ‎kirine û Trump ji Serokomarê Tirkiyê re gotiye, destwerdana derve di karûbarên Lîbyayê de tenê ‎rewşa wî welatî xirabtir û aloztir dike.‎

Rudaw