Endamekî komîsyona Pêşmerge: Hewlêr û Bexda li ser bûdceya Pêşmerge li hev kirin
Parlementerê Kurdistanê û cîgirê serokê komîsyona Pêşmerge li parlementoya Kurdistanê, Osman Kerîm Siware ji BasNewsê re got, xebatên yekkirina hêzên Pêşmerge di qonaxa dûmahîkê de ye û tenê maye were bicîhanîn.
Osman Kerîm Siware her wiha got, hikûmeta Kurdistanê û hikûmeta Iraqê li ser bûdceya Pêşmerge li hev kirin. Tenê maye parlemento wê rêkeftinê pesend bikin.
Wî endamê komîsyona Pêşmerge anî ziman, bi bicîhanîna wê rêkeftinê re mûçe û pêdiviyên serbazî yên Pêşmerge dikare were zêdekirin.
Basnews
