Wezareta Derve ya Tirkiyê derbarê kuştina Qasim Sulêymanî de daxuyaniyek belav kir û ragihand ku ew derbarê aloziya di navbera Amerîka û Îranê de nîgeranin.

Tirkiyê helwesta xwe ya fermî derbarê kuştina Qasim Sulêymanî de ragihand. Wezareta Derve ya wî welaî bi daxuyaniyekê aşkere kir ku ew li alozî û rakêşiya di navbera Amerîka û Îranê de nîgera in û ragihand, “Ev rakêşî û alozî dê ziyanê bigîhîne aştî û seqamgiriya navçeyê û taybet jî Iraqê.”

Herwiha hatiye diyarkirin ku kuştina Qasim Sulêymanî dê bibe sedema zêdetir têkçûyîna seqamgirî û asayişa navçeyê.

Herwiha hatiye gotin, “Tirkiye her tim li dijî destwerdan û pevçûnên mezhebî bûye. Em bang li aliyan dikin xwe ji pêngavên yek alî dûr bigirin û rê bi dîplomasiyê bidin.”

Qasim Sulêymanî , Fermandarê Supaya Quds ê ser bi Supaya Îranê ve, şeva derbasbûyî li Bexdayê di operasyoneke Amerîkayê de hat kuştin.

Rudaw