Serok Barzanî bi boneya koça dawiyê ya kesayetiya akadîmî û navdar ê bajarê Sine û damezrênerê Beşa Fîqhî Şafihî li Zanîngeha Tehranê Dr. Esed Şêxulîslamî, peyameke serxweşiyê arasteyî malbata wî kir.

Dr. Esed Şêxulîslamî kurê Seyid Ebdulezîz Şêxulîslamî ye, ji malbateke navdar a zanistê li bajarê Sinê ye, xwendina xwe ya seretayî li Sinê kiriye û piştre li Tehranê li bekeloryoz di ziman û edebiyata Farisî ji Zanîngeha Tehranê wergirtiye.

Dr. Esed Şêxulîslamî di sala 2019an de bi boneya 60 salan ji xizmeta zanist û fiqhê, medelyaya rêzlêgirtinê ji Zanîngeha Tehranê wergirtibû. Duhî roja 1/1/2020 di temenê 89 saliyê koça dawiyê kiribû.

Serok Barzanî di peyama de nivîsiye: “Bi mixabiniyeke zêde ve nûçeya koça dawî ya kesayetiyê akademî û navdarê bajarê Sine û damezrênerê beşê Fîqhî Şafîî li Zanîngeha Tehranê, Dr "Esed Şêxulîslamî" gihîşt me.

Serxweşiya xwe pêşkêşî malbata xwedê jêrazî Dr Esed Şêxulîslamî û hemû dost û nasên wan û hevkarên xwedê jêrazî li Zanîngeha Tehranê û Zanîngeha Kurdistan û xelkê xweşdivî yê bajarê Sine dikin û xwe bi hevbeşê xema wan dizanin.

Ji xwedayê mezin hêvîdar in, xwedê jêrazî bi behişta fireh şad bike û sebir û aramiyê jî bi hemû aliyek bibexşe.”

Rudaw