Peykerê Şêrê Efrînê ku peykerekî pir naskirî û dîrokî ye, ji aliyê grûpên çekdar yên ser bi Tirkiyê ve hate dizîn.

Piştî ku Efrîn ket destê grûpên çekdar û Tirkiyê, navçeya dîrokî ya Nebî Hurî û dehan cihên din yên dîrokî, hatine talankirin.

Li Efrînê ne tenê mirov têne revandin, talankirin û kuştin, belku asewarên wî bajarî jî têne dizin û jinavbirin.

Ev şêrê Efrînê li Eyin Dare, bi semoboleke wî bajarî dihate naskirin, diyar nemaye, grûpên çekdar dizîne û bi cihekî ne diyar birine.

Peykerê şêrê baziltî li navçeyeke girîng ya dîrokî bû, grûpên çekdar li navçeya Nebî Hûrî ku bi Sîros tê naskirin û tije asarên dîrokî ne, bi awayekî sîstematîk talan kirine. Li heman cihî bi awayekî heremekî jî dest bi kolandinê kirine.

Li gor zanyariyên taybet yên Rûdawê li Efrînê, proseya dizîn û talankirin û kolandina navçeya Nebî Hûrî ya dîrokî, li ber çavê artêşa Tirkiyê çêdibe.

Grûpên çekdar li cihên dîrokî, nahêlin ti kesek nêzîk bibe, dîroka van asewaran vedigere 280 salên berî zayinê û ji aliyê netewên yekbûyî ve, bi navçeyeke girîng ya dîrokî tê naskirin.

Ne tenê li vî cihî dîrokî, asewarên Efrînê hatine dizîn û têkbirin, belku grûpa bi nav Sultan Murad ku pirnaiya endamên wê Turkumenên sûrî ne û girêdayî Tirkiyê ne, li gundên Bîbaka, Quşa, yên ser bi Biliblê ve, bi amûrên mezin, yên weke bagir, tirêx dest bi proseyên kolandina asewaran kirin û bo vê mebestê jî hejmareke zêde ji darên zeytûnê birîn.

Efrîn, bajarê Zeytûn û asewarên kevinar, bi hemû cûran tê talankirin û têkbirin. Tevî ku bi dehan rêxistinên navdewletî û xwechî van hemû binpêkirinan bi dekomênt kirine, lê heta niha jî sînorek ji kiryarên grûpên çekdar ve hatiye dayin û opozîsyona Sûriyê jî berdewam îdîa dike, ku li wan navçeyan ti binpêkirinek nehatiye kirin.

Rudaw