Pêşmerge hêzên zêdetir dişîne Germîyan û Cîgirê Serokê Herêma Kurdistanê Şêx Cefer Şêx Mistefa ragihand tevgera DAIŞê li Germiyanê zêde bûye û DAIŞê bi awayekî cuda xwe bi rêxistin kiriye.

Îro,Şêx Cefer Şêx Mistefa seredana hêza Pêşmerge kir li Germiyanê û di hevpeyvîneke taybet de bo Kurdistan24 ragihand: “Tevgera DAIŞê zêde bûye û di rêz Pêşmerge de jî me çend şehîd û birîndar hene.”

Şîx Cefer got: “Me seredana mîhwera yek û dû ya Xurmatû kir û pêdivîyên wan dê dabîn bikîn, daku bikarin rêgirîyê ji wan hêrişan bikin.”

Herwiha Şêx Cefer amaje bi wê yekê jî da, DAIŞ, niha şerê partîzanîyê dike û xwe rêkxistîye û sûd ji wê valahîyê wergirtîye ku di navbera hêza Pêşmerge û supayê Iraqê de heye.

Şêx Cefer aşkera jî kir, gelek dever hêj li jêr destê DAIŞê de ne û bi awayeka partîzanî çalakîyan têde encam dide.

Basnews