Iraq – Li bajarê Nasiriye 14 xwepêşander hatin kuştin
Xwepêşandan û alozî li paytext Bexda û çend bajarên din yên Iraqê didome.
Îro danê sibê li bajarê Nasiriye yê Iraqê, ku navenda parêzgeha Zîqarê ye, di navbera xwepêşanderan û hêzên ewlehiyê de şer û pevçûn derket.
Li gorî agahiyan, di encama wî şerî de herî kêm 14 xwepêşander hatin kuştin û bi dehan kes jî birîndar bûn.
Heta niha bi sedan kes di xwepêşandanên Iraqê de hatine kuştin, bi hezaran kes birîndar bûne û gelek kes jî hatine girtin.
Basnews
