xwepîşandan hîn jî berdewamin
Di çarçoveya xwepîşandanên duhê bişev yên li Kerbelayê de, şer û alozî derketin û herî kêm 18 xwepîşander hatin kuştin.

Jêderên tendirostî yên li parêzgeha Kerbelayê eşkere kirin ku duhê bi şev şer û pevçûn di navbera hêzên ewlekarî û xwepîşanderan de derketiye û hêzên ewlekarî êrîşî ser xwepîşanderan kirine û di encam de herî kêm 18 xwepîşander hatine kuştin û hijmareke din jî birîndar bûne.

Weke tê zanîn ji roja înê heta niha li bajarên Başûrê Îraqê xwepîşandan didomin û heta niha zêdetir ji 150 kesan hatine kuştin û zêdetir ji 2 hezar kes jî birîndar bûne.