Serokê Herêma Kurdistanê, Nêçîrvan Barzanî ragihand, ew ji bo rawestandina şer û naveynkariyê amade û di nava hewldanan de ne. Nêçîrvan Barzanî daxwaz ji civaka navdewletî û Encûmena Asayişa Navdewletî jî dike, ji bo rawestnadina şer û aştiyê rola xwe bilzîin.

Naveroka peyamê:

Her di destpêkê ve bi hûrî çavdêriya rewşê dikîn û bi dilgiranî û nîgeraniyekî kûr ve li operasyona serbaziya Rojhilata Firat li Sûriye temaşe dikîn bi taybetî ku grûpên tundrewên opozîsyona Sûriye têda beşdarin. Şer dergehê li ser kuştar û derbederî û koçberbûna xelkê sîvîl û dirustbûna nearamiyê li tevahiya navçeyê da vedike û gef û metirsiya serhildana terorê jî ciddîtir û mezintir dike.

Me ku li Herêma Kurdistan û Iraqê qurbaniyekî zêde ji bo têkşikandina terorê daye û me êşên şer dîtiye, gelek bi dilgiranî û hestiyariyê ve li alozbûna rewşê û têkçûna asayîş û nemana aramiyê dibînin ku encama çaverênekirî û metirsîdariya navçeyê û cîhanê lê dikevê, ji bo wê yekê bi navê ragirtina şer û dirustkirina aramiyê da, li hewla berdewamdayîn û ji bo hemû navendgîrî û hevkariyek jî amadeyîn.

Şer û pêkdadan tenê alozî û pişêwî û metirsiyê li navçeyê de zêde dike, destkeftên têkşikandina Da’îşê ji nav dibe û li berjewendiya tu aliyek da nabê, ji bo wê yekê daxwazê ji civaka navdewletî û Encumena Asayîşê dikîn çareseriyekî dadperwerane ji bo paşaroja Sûriye peyda bike bi cûreyek ku mafê hemû pêkhatên wê têda parastî bê û bi ciddî rola xwe ji bo ragirtina şer û vegerana aramî û parastina aştî û diyalogê û çareseriyeke siyasî bibine û rê nedê xelkê sivîl derbeder û koçber bibin.

Nêçîrvan Barzanî
Serokê Herêma Kurdistanê
10/10/2019