Serok wezîrên Îraqê li ser xwenîşandanên Bexdayê û bajarên din bi deng hat û soz da bersiva tevaya daxwazîyên xwenîşanderan bide.

Adil Ebdulmehdî, serok wezîrên Îraqê di beyannameyekê de ragehand: Xwenîşandan mafeke suriştîye, lê hinek kes rêrewa xwenîşandana aştîyane yêkdane û durişên weha bilindkirîne ku sizayên yasayî dikevin ser wan.

Serok wezîrên Îraqê amaje bi wê yekê jî da, ku pişkek ji xwenîşander bi kêr û şûşeyên agirdar hêriş kirîne ser hêzên ewlekarîyê. Soz jî da bersiva tevaya xwenîşaderan bide û komîteyeke vekolînê jî pêk bihîne.

Li gor dawîn amara wezareta tendûristîya Îraqê, ji xwenîşanderên bajarê Bexda û çend parêzgehên din yên başûra Îraqê, xwenîşanderek li Bexda û yeke din li Nasirîye hatîne kuştin û 200 kes jî birîndar bûne, ku 40 kes ji wan endamên hêzên ewlekarîyê ne.