Berdevkê hikûmeta Kurdistanê ragihand, bila karmendên hikûmetê û mûçexorên Kurdistanê arxeyîn bin ku mûçe dê di wextê de were dayîn.

Berdevkê hikûmetê, Cotiyar Adil ku beşdarî konferansa stratejiya Herêma Kurdistanê bo aramiya Iraq û Rojhilatê Kurdistanê bibû, li ser mûçe û pêwendiyên Hewlêr û Bexdayê ji K24 re axivî.

Cotiyar Adil li ser dayîna mûçeyê karmendên hikûmetê û mûçexorên Kurdistanê got, bila gelê Kurdistanê arxeyîn bin ku mûçe dê di wextê xwe de were dayîn.

Berdevkê hikûmetê li ser rêkeftina navbera Hewlêr û Bexdayê li ser petrol û bûdceya Kurdistanê jî got, danûstandin li ser bûdce û petrolê û mijarên din didomin. Li gorî qanûna bûdceya sala 2019 ya Iraqê, Herêma Kurdistanê petrolê nade Iraqê dê diravê petrola ku hatiye destnîşankirin, bide Bexdayê.

Li gorî rêkeftina navbera Hewlêr û Bexdayê, divê Hewlêr rojane 250 hezar petrol bide Bexdayê, Bexda jî mûçe û bûdceya Kurdistanê bide.

Rudaw