Nêçîrvan Barzanî: Piştgiriya kabineya nehem bikin
Serokê Herêma Kurdistanê û Cîgirê Serokê Partiya Demokrata Kurdistanê (PDK) Nêçîrvan Barzanî îro 11ê Îlona 2019an beşdarî konferansa “PDK di nava guhertinan de, nirxandina rewşa niha û danîna nexşeyekê ji bo pêşerojê” de bû.
Di wê konferansê de Nêçîrvan Barzanî gotarek pêşkeş kir û got, ku derfeta serkeftinên mezin li pêşiya PDKê ne û PDK dikare pêşerojeke baştir ji bo gelê Kurdistanê bidest ve bîne.
Barzanî wiha axivî: “Derfeta serkeftinên mezin li pêşiya PDKê ne û em dikarin pêşerojeke baştir ji bo gelê Kurdistanê bidest ve bîne. Wek mînak jî tişta ku me kir di salên derbasbûyî yên dijwar de, ku PDK tevî wan hemû zehmetiyan û aloziyan û astengiyan karî di çarçoveya Hikûmeta Kurdistanê de roleke pêşeng bibîne di parastin û avakirina welat û birêvebirina Herêma Kurdistanê de, PDK bû parêzerê Kurdistanê û destkeftinên gelê Kurdistanê.”
Serokê Herêma Kurdistanê herwiha piştevaniya xwe ji bo kabineya nehem a Kurdistanê nîşan da û ji kadroyên PDKê jî daxwaz kir ku piştevaniya kabineya Kurdistanê bikin.
Rudaw
