HSD: Rêkeftina Amerîkî – Tirkî neçe serî, planên din hene
Fermandarê Giştî yê HSDê Mezlûm Ebdî di hevpeyvînekê bi “CNN” re ragihand, ew bi rêkeftina “herêma ewle” a Amerîkî – Tirkî re ne û wan nermiyek derbarê wê rêkeftinê nîşan dane û çaverê ne ew rêkeftin biçe serî.
Ebdî got, heger ew rêkeftina Amerîkî – Tirkî hilweşe û hêzên Amerîkî ji Sûriyê vekişe, wê demê ew ê bi Rûsya û rêjîma Sûriyê rêk bikevin, ji ber ku ew yek ji dagîrkirina Tirkiyê baştir e.
Herwiha daxwaz ji Serokê Amerîka Donald Trump kir, piştevaniyê li mafê Kurd li Sûriyê bike û dan bi rola wan a di şerê li dijî DAIŞê de bide.
Derbarê şerê li dijî DAIŞê de jî Ebdî da zanîn, pêşwîstiya wan bi piştevaniyeke zêdetir ji aliyê Amerîka ve heye û pêwîst e çareseriyek ji rewşa çekdarên DAIŞê yên biyanî re were dîtin.
K24
