Binkeya Laleş: Hikûmeta Kurdistanê dê karên baş bo Şingalê bike!
Berpirsê binkeya Laleşê yê rewşenbîrî û civakî li nahyeya Sinûnê Dr. Silêman Fano ji basnewsê re ragehand: ‘’Tenê hêviya xelkê Şingalê bi hikûmeta herêma Kurdistanê heye, ku wan çar salên pêş de dê hikûmeta nû ya herêma Kurdistanê kar û xizmetên baş li Şingalê bike û dest bi ava kirin û ewlehiya Şingalê dê qahîm bike. Em bi vê bi hêvî ne, projeyên stratejîk û giring bo başkirina jiyana hemwelatiyan li deverê dê bên çêkirin. Ji ber em baş dizanin Bexda bo Şingalê çi tiştekî nake. Herwaha bicîhanîna madeya 140 a destûrê dê bê bicîhanîn û hemû pirsgirêkên Şingalê jî çareser bibin.’’
Herwaha Fano got: ‘’Xelkê Şingalê gelek geşbîne di wan salên pêş de, bo çêkirina projeyên av û elektrîk û binkeyên tenduristiyê, dibistan û cadeyên li devera Şingalê. Herwaha Serok Barzanî jî bo parêzgehbûna Şingalê bi rijd e û ev yek jî hêviyeke bo Şingaliyan ava kiriye, ku bi destê hikûmeta herêma Kurdistanê ve Şingalê dê bibe parêzgeh.’’
Basnews
