Li paytexta Efxanîstanê bajarê Kabûlê di saloneke şahiyan de teqîn çêbû û di encam de herî kêm 63 kesan ‎canê xwe ji dest dan û 182 kes jî birîndar bûn.‎



Hat ragihandin ku teqîn xwekujî bûye û kesê xwekuj çûye beşê mêran ê nav salonê û li wê derê xwe ‎teqandiye. Li gor daxuyaniya Wezareta Navxwe, di nav kuştî û birîndaran de hejmarek zarok û jin jî ‎hene. ‎



Teqîn li navçeyeke Şîenişîn a Kabulê çêbûye û heta niha ti kes an aliyekî berpirsyariya wê li xwe ‎negirtiye û hevdem Talîbanê jî ew êrîş şermezar kiriye. ‎



Berdevkê Wezareta Navxwe ya Efxanîstanê Nasret Rehîmî jî ragihand ku li 6emîn herêma ewlehiyê ‎demjimêr 22.40an di salona şahiyan Qesra Dubaî di teqînek çêbûye û herî kêm 63 kesan canê xwe ji ‎dest dane.‎



Rudaw