Şandeke Fermandariya Hêzên Amerîkayê yên li Ewropayê îro serdana Tirkiyê kir û Wezareta Berevaniya Tirkiyê ragihandiye, ew şand dê serdana Rihayê jî bike.



Wezareta Berevaniyê ya Tirkiyê di daxuyaniyekê de ragihand, Cîgirê Fermandarê Fermandariya Hêzên Amerîkayê yên li Ewropayê, General Stephen Twitty û şandeke pê re îro serdana Tirkiyê kir û li Enqere bi Fermandariya Artêşa Tikriyê re hevdîtin pêk anî.



Di daxuyaniyê de tê gotin, ew şanda leşkerî ya Amerîkayê dê ji bo dîtin û şopandina karûbarên avakirina navenda operasyonên hevbeş a ji bo damezrandina navçeya aram, serdana Rihayê bike.



Tirkiye û Amerîkayê roja 7ê vê mehê ragihandin, di encama danûstandinên rayedarên leşkerî yên herdu welatan de, herdu alî bi hev re li ser “avakirina navçeya aram bi hev re” û “damezrandina navendeke hevbeş bo hevahengî û birêvebirina karên damezrandina navçeya aram” li hev kirine.



Herwiha roja 12ê Tebaxê jî (beriya 3 rojan) şandeke 6 kesî ya leşkerî ya Amerîkayê serdana Rihayê kiribû û di çarçoveya pêngavên ji bo pêkanîna navenda operasyonên hevbeş de, li aliyê Tirkiyê, li ser sînorê navbera Rojava û Bakurê Kurdistanê lêkolîn kiribû.

Rudaw