Serok Barzanî li gel şêniyên devera Balakatê civiya
Îro duyem roja cejna qurbanê Serok Barzanî serdana devera Çoman û Balakatê kir.
Di destpêkê de Serok Barzanî serdana devera Çomanê kir û li gel şêniyên deverê civiya.
Di civînê de Serok Barzanî pîrozbayiya cejna qurbanê li xelkê kir û pişt re jî gotarek pêşkêş kir û behsa rol û qerhemaniya xelkê diverê di dema şoreşên rizgariya Kurdistanê de kir û anî ziman ku xelkê deverê bo rizgarî û azadiyar Kurdistanê roleke gelek mezin lîstiye û qurbaniyên giranbuha daye.
Serok Barzanî di berdewamiya axaftinên xwe de behsa rewşa niha ya wan deveran jî kir û anî ziman ku lazime aliyên ku nakokî di navbera wan de heye nakokiyên xwe li deverê bibene derê û arîşe bo şêniyên deverê çê nekirin.
Serok Barzanî herwiha ragihand ku lazime Îran û Tirkiye jî êrîşên xwe yên bo ser wan deveran rawestînin û zirarên nedin şêniyên deverê.
Piştî bi dawî hatina civînê li gel xelkê Çomanê, Serok Barzanî serdana devera Balakatê jî kir û li gel şêniyên deverê jî civiya.
