ICG: Ji bo dûrketina ji PKKê divê Amerîka fişarê li YPGê bike
Grûpa Kirîzên Navdewletî derbarê rewşa bakurê rojhilatê Sûriyê de, raportek belav kir, û tê de şiroveyek ser pirsên navçeyê anî ziman, hevdem çend pêşinyar bo çareserkirina pirsgirêkên navçeyê xist ber behs û lêkolînan.
Encamên zehmet û mehal navnîşana raporta derbarê bakurê rojhilatê Sûriyê de tên xwendin. Destpêkê di raportê de hatiye nîvisandin, ku divê Washington guşarê têxe ser YPGê daku ji PKKê dûr bikeve, herwiha divê Tirkiyê destêwerdanê di karûbarên navçeyê de neke.
Grûpa Krîzên Navdewletî daxwazê ji Amerîkayê dike, ku pêngavên girîng bavêje, daku aramî li navçeyê pêk bê, ji wan jî rê bide hevtêgihiştenekê di navbera HSDê û Tirkiyê de pêk bê, ku xalên girîng li xwe bigire.
Herwiha wê gurûpê daxwaz kiriye ku Tirkiyê dilgiraniyên di derbarê Efrînê de nehêle, û rê bide ku xelk Efrînê vegere bajarê xwe. Daxwazê dike ku Encûmena Sûriya Demokratîk jî beşdarî proseya siyasî ya Sûriyê bibe.
Raporta Grûpa Krîzên Navdewletî amaje bi wê yekê jî daye, ku biryara Amerîkayê bo hiştina artêşa xwe li Sûriyê, derfetek çê kiriye, daku tundûtîjî li bakurê rojhilatê wî welatî neqewime. Ji ber eger Amerîkayê hêzên xwe ji Sûriyê vekişandibaya, dibû bû ku Şamê navçeyên li jêr desthilata HSDê bixistina jêr kontrola xwe.
Di raportê de hatiye gotin, herwiha Enqereyê jî sûd ji wê valabûnê werbigitaya, daku YPGê bişkîne, hevdem DAIŞê jî ew valabûn dagirtibaya, vê yekê jî tundûtîjiyek zêde li navçeyê wê li pey xwe anîbaya.
Pêşinyarên Grûpa Kirîzên Navdewletî:
Kêmkirina desthiltên YPGê
Tirkiyê çavdêriya dûrxistina çekên giran ên YPGê bike
YPGê şer dijî Tirkiyê û hêzên alîgir rawestîne
Tirkiyê nîgeraniyên ewlekariya xelkê Efrînê nehêle
Tirkiyê rê bide xelkê Efrînê vegerin malên xwe
Tirkiyê dest ji vetokirina beşdarbûna MSDê di civînan de berde
Amerîka dest ji dûrxistina YPGê bo çûna Şamê berde
rudaw
