Ofîsa parêzgerê rewa yê Kerkûkê bi tundî bersiva gruba xiyaneta 16ê cotmehê da û hemwelatiyan li wê yekê piştrast dikin ku hewldanên wan bo paqij kirina Kerkûkê ya ji cehş û xiyanetkar û xwefiroşan berdewam dibe.

Li gor daxuyaniya ofîsa Necmedîn Kerîm ragehandiye, piştî pejirandina yasaya helbijartina encûmena parêzgehên Iraqê ji aliyê encûmena nûnerên Iraqê ve, ‘’Çend medyayên sîber û darûdeste û amûr û qirêj xwarên Rifet Ebdula û beşek din ên xiyanetkarên 16ê cotmehê dest bi propagandaya rewş û daxuyaniyên nerast li dijî Necmedîn Kerîm kirine.

Ofîsa parêzgerê rewa yê Kerkûkê dibêje: ‘’Her gawekî, rûyê reş ê kirêt ê vê grubê yê rasteqîn tiştên bê bingeh, raport û nûçeyên berevajî belav dikin, ji ber wê ji vêderê ve em radigehînin ku ew grub ew in ku rêveberiya xiyaneta 16ê cotmehê kirin û nêzîkî sedî 51 axa Kurdistanê radestî neyar û dagirkeran kirin. Naha bo veşartina wê xiyaneta xwe û spî kirina rûyê xwe yê reş nûçeyên bê bingeh û dûr ji rastiyê belav dikin.’’

Herwaha hat got: ‘’Rûniştvanên bajarê Kerkûkê yên serbilind û Kurdistan bi giştî, pir hişyar û têgeheştî ne û ti baweriya wan bi xiyanetkaran û xwefiroşan nemaye. Bendewariyên me hene ku rojek bê hemû ew kesên ku xiyanet li netew û bajar kirine radestî dadgeha gel bên kirin û bigehin cezayên xwe.’’

Ofîsa Necmedîn Kerîm hemwelatiyan jî piştrast dike ku karên xwe berdewam dibin û ‘’Propagandayên wê gruba xiyanetkar’’ ti bandorekî li wan nake, ji ber zêdetir hewldanên xwe dê bidin bo paqij kirina Kerkûkê ji cehş û xiyanetkar û xwe firoşan.

Basnews