Yekîtiya Ewropa radigihîne: Li deryaya sipî lêgerîna enerjiyê ya ji aliyê Tirkiyeyê ve karek neyasayî ye û sedema endîşeyê ye.

Nûnertiya Karên Derve a Yekîtiya Ewropayê nerazîbûn li dijî lêgerîna enerjiyê ya ji aliyê Tirkiyeyê ve nîşan dide û radigihîne: Tirkiye li Deryaya Sipî mafê serweriya Kubrisê binpê dike û bi awayek neyasayî lêgerîna enerjiyê dike. Ev hewla Tirkiyeyê sedema endîşeyê ye û nayê qebûlkirin.

Ji alîkî din ve Rêveberiya Başûrê Kubrisê jî ragihandibû ko Tirkiye digel binpêkirina mafê serweriya Kubirîsê, aloziyê zêdetir dike.

Îro hikûmeta Tirkiyeyê eşkere kiribû ko duyemîn keştiya wan a ji bo lêgerîna enerjiyê gihiştiye rojhilatê deryaya sipî.

K24