Firokeyên şer ên Tirkiyê derdora sê gundên quntara Qendîlê bombebaran dikin, hêj zirarên ku derketine holê nayê zanîn.



Qaymeqamê Ranyeyê Hîwa Qerenî ji Tora Medyayî ya Rûdawê re ragihand: “Şevê din firokeyên Tirkiyê gundên Êndize û Lêwje yên li quntara Qendîlê bombebaran kirin, lê ti zirareke giyanî tine ye.”



Hîwa Qerenî diyar kir: “Demjimêr 10:00ê îro sêşemê 18ê Hezîrana 2019an firokeyan careke din gundê Qelatûkan bombebaran kirin, lê hêj çi zirar û ziyan derketine holê nayê zanîn.”



Gundên Êndize, Lêwje û Qelatû dikevin sînorê bajarokê sengeserê qezaya Pişder a li parêzgeha Silêmanî.

Rudaw