Li çend bajarên Îraqê rewşa awarte hat ragihandin
Li gor nûçeyeke ajansa Şefeq news jiber barîna baraneke bixor yaku ji duhê êwarê destpê kir û heta îro danê sibê dom kir, lehiyeke mezin li çend bajarên naverasta Îraqê rabûye.
Li gor çavkaniya han jiber rabûna lehiyê, li çend bajarên naverasta Îraqê rewşa awarte hatiye ragihandin û tevahiya dezgeh û îdareyên fermî jiber vê yekê hatine daxistin.
Şefeq news herwiha belav kiriye ku li Parêzgeha Wasêt jiber rabûna lehî xaniyek herifiye û di encam de zarokek jî canê xwe ji dest daye.
