Li Amerîkayê di malekê de cenazeyê 8 kesan hat dîtin
Li eyaleta Utaha ya Amerîkayê di malekê de termê 5 jê zarok 8 kesên bi guleyan canê xwe ji dest dane, hat dîtin.
Bûyer li bajarê Enoch di malekê de qewimî. Li bajarê Enochê polîsan malekê kontrol kirin û di hundir de rastî termê 8 kesan hatin.
Polîsan derbarê bûyerê de daxuyanî dan û ragihandin ku 5 jê zarok 8 kes bi guleberdanê hatine kuştin.
Karbidest dibêjin ku ti metirsî li ser xelkê nîne.
Derbarê bûyerê de lêkolîn hatiye destpêkirin, lê nasnameyên kuştiyan nehat parvekirin.
Rudaw
